អំពីព្យុះទីហ្វុង

ព្យុះទីហ្វុង គឺជាបាតុភូតដែលសម្ពាធបរិយាកាសត្រូពិចចុះទាបខ្លាំង ហើយធ្វើអោយកើតមានខ្យល់ខ្លាំងនិងភ្លៀងច្រើន។

ខេត្តអូគីណាវ៉ា ជាតំបន់ដែលមានព្យុះទីហ្វុងបក់បោកមកក្បែរច្រើនបើប្រៀបធៀបទៅនឹងតំបន់ផ្សេងទៀតនៅក្នុងប្រទេសជប៉ុន ហើយព្យុះនេះបក់បោកមកក្បែរភាគច្រើនចាប់ពីខែកក្កដារហូតដល់ប្រហែលខែតុលា ដោយចំនួនជាមធ្យមប្រចាំឆ្នាំគឺ7.4។

ព្យុះទីហ្វុងដែលបក់បោកមកចាប់ពីខែកញ្ញាដល់ខែតុលា ភាគច្រើនជាព្យុះទីហ្វុងដែលមានអានុភាពខ្លាំងក្លា ហើយអាចបង្កជាគ្រោះមហន្តរាយធំ។

គ្រោះមហន្តរាយដែលបង្កដោយព្យុះទីហ្វុងអាចប៉ះពាល់ដល់ផលិតផលកសិកម្មជាច្រើន ហើយអាចបង្កជាការបាក់បែកផ្ទះសម្បែងនិងមនុស្សរងរបួសឬស្លាប់ទៀតផង ដូច្នេះ ចាំបាច់ត្រូវប្រុងប្រយ័ត្នអោយបានដិតដល់។

គេច្រើនប្រើពាក្យថា “ទំហំ” និង “កម្លាំង” ដើម្បីបង្ហាញអំពីអានុភាពរបស់ព្យុះទីហ្វុង។

គេបែងចែកពាក្យទាំងនេះ ដោយ”ទំហំ” សម្ដៅទៅលើប្រវែងកាំនៃបរិវេណដែលមានខ្យល់បោកខ្លាំង (បរិវេណដែលមានខ្យល់បក់ក្នុងល្បឿនចាប់ពី15m/sឡើងទៅ) ហើយ”កម្លាំង” សម្ដៅទៅលើល្បឿនខ្យល់អតិបរមា។

នៅពេលដែលសម្ពាធបរិយាកាសនៅផ្នែកកណ្ដាលនៃព្យុះទីហ្វុងចុះទាប ល្បឿនខ្យល់អតិបរមានឹងកាន់តែខ្លាំងឡើង ហើយចំពោះព្យុះទីហ្វុងដែលមានសម្ពាធបរិយាកាសនៅផ្នែកកណ្ដាលទាបជាង 950hPa (ហិកតូប៉ាស្កាល់) នោះវាងាយនឹងកើតមានព្យុះទីហ្វុងដែលមានអានុភាពខ្លាំង។